‘SIÑA PENSA I KOMUNIKÁ OPTIMALMENTE’

VERSHON NA PAPIAMENTU

KONTENIDO:

1.Kiko ke men pensa i komuniká optimalmente

2. Enkuesta komo punto di salida pa optimalisá bo pensamentu

3. Preguntanan básiko ku bo ta hasi na momento di siña pensa optimalmente

4. Puntonan di salida den e proseso di pensa optimalmente

5. Ehèmpelnan di preguntanan optimal

6. Tuma akshonnan optimalmente

7. E proseso di 7 paso pa optimalisá desishonnan simpel

8. E proseso di 9 paso pa optimalisá desishonnan kompleho

9. Kon bo por apliká pensamentu optimal konsekuentemente

10.Ehèmpelnan di ponensianan optimal

11.Enkuesta pa fiha e grado di balor propio i pa fiha bo metanan

12 Lesamentu di bo skor

13. Yuda optimalisá bo komunikashon ku otronan

14. Solushoná konflikto optimalmente

15. Un tèst pa fiha kon optimal bo komunikashon ta

16. Ehersisionan pa siña pensa optimalmente

 

1. KIKO KE MEN SIÑA PENSA OPTIMALMENTE

Meta di siña pensa optimalmente ta:

• Optimalisá bo konosementu
• Optimalisá abilidatnan, bo talentonan
• Optimalisá e tempu ku bo tin disponibel

PENSA optimalmente ta un hermènt mental ku bo tin mester pa bo realisá bo metanan den bida.

1.1.        Bo ta siña hasi e mihó preguntanan i konsekuentemente lo bo haña e mihó kontestanan riba bo preguntanan.

1.2.        Di e forma ei lo bo por tuma desishonnan mas konstruktivo den kada situashon ku presentá den bo bida.

Tur hende ku ke alkansá lo máksimo den su bida por pensa optimal i asina optimalisá logronan den su propio bida. E ta un strategia pa determiná bo mes prioridatnan i haña solushonnan máksimo pa eskohonan ku abo ta hasi konstantemente. Pensa optimalmente ta e idioma di mas haltu di bo propio ser.

1.3.        Pensando optimalmente bo ta siña pone énfásis riba pensamentunan mas konstruktivo.

1.4.        Bo ta skohe e mihó opshonnan ku tin i una bes bo skohe, bo no ta tene ningun kompetensha ku otronan, pero bo ta traha riba loke ta bon pa bo mes.

BISA AWOR KU BO MES PALABRANAN ‘KIKO TA BENTAHENAN DI POR PENSA OPTIMALMENTE’

 

2. ENKUESTA KOMO PUNTO DI SALIDA PA OPTIMALISÁ BO PENSAMENTUNAN

Midi bo mes pensamentunan pa sa kon optimal bo ta pensando aktualmente

Kon optimal mi ta pensa?	0= Nunka	1= kasi nunka	2= Hopi biaha	3= semper
1.Mi ta responsabel pa mi pensamentunan
2.Mi por ehersé kòntròl riba mi propio emoshonnan
3.Mi ta haña mi mes bon manera mi ta
4.Mi ta atendé i trata korekto ku otro hende
5.Mi meresé di haña loke mi mes ke logra
6.Mi ke haña lo optimal den mi bida
7.Mi ta sintimi kómodo ku e éksitonan ku mi tin aktualmente dor di mi propio esfuerso
8. Mi meresé di haña loke ta mas mihó den mi bida
9.Mi ta di opinion ku si mi faya, esaki ta dunami un chèns pa siña i saka un lès for di dje pa por sigui dilanti.
10. Mi ta aseptá loke ta e kosnan ku mi mester por hasi i mi ta optimalisá loke ta kai bou di loke mi mes por hasi.
11. Mi por biba ku e hecho ku de ves en kuando otronan por rechasami.
12.Mi por hèndel doló den mi bida.
13.Mi ta sintimi felis ku mi ta na bida.
14.Mi ta hasi mi bèst pa hasi loke ta korekto i mihó den mi bida.
15.Mi ta aspetá negativismo komo parti natural den mi bida.
16.Mi tin espektatívanan realístiko di mi mes, di otronan den mi bida.
17.Semper mi ta saka lo mihó for di otro hende.
18. Mi por hèndel konflikto na un manera efisiente.
19.Mi ta alkansá semper e metanan mas importante ku mi mes pone mi dilanti.
20. Mi ta sintimi komfortabel ku mi mes sintimentu i emoshonnan.
21. Mi ta felis ku e perspektívanan di mi karera profeshonal.
22. Mi situashon finansiero por satisfasé mi nesesidatnan.
23. Semper mi ta tene kuenta ku e scenario di mas malu, pero tambe di mas mihó ora ku mi ta evaluá mi riesgonan.
24. Mi ta saka semper esun di mas mihó for di tur kos ku ta krusa mi kaminda.
25. Na e momentunan aki mi a alkansá e nivel ku mi porr tin tambe den mi bida
KONTA TUR SKOR, SAKA BO SKOR total, dor di konta tur skor huntu	SKOR FINAL _______	SKOR FINAL _______	SKOR FINAL _______	SKOR FINAL _________

 

• Un skor total di entre 70-75 ta nifiká ku konstantemente bo ta usa bo pensamentunan optimal den bida
• Un skor total di entre 47-70 ta nifiká ku bo ta pensa kaba hopi bon, pero ku bo no ta pensa tur ora bai den bo mes bentaha
• Un skor total di entre 16-45 ta nifiká ku bo pensamentunan aktual tin un resultado mediokre den bo bida
• Un skor total di entre 0-15 ta nifiká ku bo pensamentunan aktual tin un resultado negativo den bo bida

 

3. Preguntanan básiko ku bo ta hasi na momento di siña pensa optimalmente

Lo bo por kuminsá ku e proseso SIÑA PENSA OPTIMALMENTE na kualke momentu deseá, si bo skohe pa pensamentu konstruktivo i si bo hasi bo mes konstantemente e siguiente preguntanan:

• Kiko ta e kosnan mas importante pa mi?
• Kiko ta e meta mas importante?
• Kiko ta e fuentenan mas importante pa realisá mi metanan
• Kiko ta mi talentonan mas grandi  i kua ta mi posiblidatnan?
• Kon lo mi por hasi mihó uso di nan pa realisá mi metanan?
• Kua ta e akshonnan mas konstruktivo ku mi por start kuné aworaki?
• Ken ta e hendenan mas konstruktivo ku ken mi por kompartí mi metanan i mi akshonnan?
• Kon lo mi por optimalisá mi gratitut den bida?

 4. PUNTONAN DI SALIDA DEN E PROSESO DI PENSA OPTIMALMENTE

•  NO SUKUMBĺ  PA NEGATIVISMO. Hasi preguntanan konstruktivo pa yuda e pensadónan negativo pa nan bai pensa mas positivo i optimal pa haña e mihó solushon pa nan problemanan ku nan ta konfrontá.
• KEDA PENSA REALĺSTIKO, POSITIVO I KU HOPI OPTIMISMO
• PENSADÓNAN OPTIMAL TA ELIMINÁ DESEPSHON, DOR DI BUTA ÉNFASIS RIBA SITUASHONNAN POSITIVO I KONSTRUKTIVO KU NAN POR KONTROLÁ.

5. EHÈMPELNAN  DI PREGUNTANAN OPTIMAL

Pa bo por keda pensa optimal, hasi bo mes e siguiente preguntanan.

-       Ki ora mi ta mas inkliná pa hasi preguntanan optimal?

-       Kua ta e mihó pasonan ku mi por dal bou di sirkunstansianan aktual?

-       Mi ta aspetá loke ta kai bou di mi kompetensha i mi ta optimalisá loke sí mi por kontrolá?

-       Mi ta skohe e mihó alternativa komo solushon pa un problema?

 6. TUMA AKSHONNAN OPTIMAL

Pa tuma akshonnan optimal tur hende por hasi lo siguiente:

• Asina bo ripará serka bo mes ku bo tin pensamentunan negativo, revisá konsientemente kiko ta e kousa.
• Nota ki ora bo ta topa personanan negativo.
• Pensa pa bo mes kiko ta e mihó ku bo por hasi e ora ei.
• Buska konsientemente uso di pensamentu optimal, optimalisá i sigui optimalisá bo mes pensamentunan pa asina bo por keda bo mes i no kai den un spiral di negativismo.
• KIKO POR SOSODÉ ORA BO KEDA HUNTU KU HENDE KU KETU BAI TA SIGUI PENSA NEGATIVO?
• DI KON ABO SÍ KE SIGUI PENSA OPTIMALMENTE?
• KUA OTRO AKSHON OPTIMAL ABO LO POR TUMA?

 7. E PROSESO DI 7 PASO PA OPTIMALISÁ DESISHONNAN SIMPEL

            Pa optimalisá desishonnan simpel por hasi lo siguiente”

-       Definí e problema

-       Definí e lapso di tempu den kua e problema mester keda solushoná

-       Eksplorá opshonnan ku tin pa solushoná e problema i nota nan bou di otro

-       Eliminá opshonnan ku no ta realístiko

-       Investigá pa bo mes konsekuenshanan di kada opshon (skirbi kua ta e pro i kontra)

-       Kalkulá peso di bentaha i desbentaha di kada konsekuensia

-       Skor kada un posibilidat ( e sifra 1 ta e konsekuensia menos importante; e sifra 10 ta e konsekuensia mas importante)

-       E resultado total ta loke ta konta huntu di tur e skornan (tuma skor total di e bentahanan i e skor total di e desbentahanan i mira kiko ta e diferensia)

 

8. E PROSESO DI 9 PASO PA OPTIMALISÁ DESISHONNAN KOMPLEHO

Desishonnan kompleho ku lo por kambia bo bida totalmente manera kumpramentu di kas, kambio di trabou, skohe pa haña yu, ku ta kai bou di desishonnan kompleho i ku un proseso di 9 paso bo por optimalisá esaki.

-       Disidí kiko bo ke alkansá mas tantu

-       Disidí den kua lapso di tempu e desishon mester keda tumá

-       Traha un lista di kriterionan mas importante ku lo por influenshá  bo desishonnan

-       Determiná skornan di bo kriterionan (1 te 10)

-       Determiná kuantu bo promé opshon ta kuadra ku e kriterio ku abo a determiná

-       Multipliká e skornan di bo kriterio ku e skor di bo promé opshon ku ta kuadra mas ku bo kriterio

-       Determiná e skor total

-       Ehekutá e opshonnan ku abo no ta deseá

-       Disidí awor kiko ta e skor di mas haltu i e mihó opshon ku bo tin.

 

9. KON BO POR APLIKÁ PENSAMENTU OPTIMAL?

Skohe hopi konsiente pa pensa optimal, puntra bo mes kua ta e mihó manera pa haña e mihó kontestanan.

-       Sigui bo pasonan koutelosamente i puntra bo mes na final di kada dia lo siguiente:

-       Kuantu biaha mi por a logra aktua mihó, den e tempu adekuá riba aktividatnan mas importante i na e mihó manera?

-       Surpasá limitashonnan den bo pensamentu sentral i analisá pa bo mes kua ta e bentaha- i desbentahanan di bo pensamentunan. Kòrda ku bo konvikshon i kreënsha den algu ta e liña kòrá den tur bo aktividatnan.

Ehèmpelnan di preguntanan optimal ta e preguntanan manera:

-       Mi ta para muchu ketu na kosnan ku mi no por kontrolá?

-       Mi ta dispuesto pa karga responsabilidat kompletu pa optimalisá mi propio pensamentunan, sentimentunan, akshonnan i mi mes bida?

-       Ta mi deseo di mas grandi pa karga mi mes responsabilidat òf mi ke un otro hende òf algu otro karga responsabilidat p' ami?

-       Kiko mi tin mester di otro ku mi no por duna mi mes?

-       Kua ta e mihó manera pa biba i sigui krese i sigui studia ?

TUMA TEMPU PA NOTA KIKO SEGUN ABO, BO POR BIBA KUNÉ, TAMBE KU OTRONAN DEN E MUNDU GLOBAL KU NOS TA FORMANDO PARTI DI DJE?.

Mi ta bon                                            E motibunan pakiko mi ta kere ku mi ta bon:

•  
•  
•  

Mi ta bon                                            E bentahanan di mas grandi di esaki ta:

•  
•  
•  

-       Kua ta e akshonnan pa mi mustra e mihó ami?

-       Kua ta e mihó akshonnan pa solushoná problema?

- Kua ta e mihó solushon pa un problema ku mi ta pasa aden aworaki?

Skohe konsientemente pa pensamentu optimal na kada momentu oportuno i sigui koutelosamente bo mes progreso. Komprometé bo mes pa bo remplasá bo pensamentu i kreënshanan sentral pa otro ideanan ku por ta mas optimal.

Nota algun pregunta ku bo por hasi bo mes si bo ke siña pensa optimal. 

-       Kiko ta mas importante pa mi mes?

-       Den kiko mi mester kere i kua pensamentu mi mester tin, kua pasonan mi mester tuma konsientemente pa realisá loke ta importante p’ami?

-       Kon mi por ta sigur ku e pensamentunan aki ta hopi bentahoso pa mi?

-       Kua ta e mihó manera pa eliminá opstákulo for di kaminda, ku no ta kuadra ku mi manera nobo di pensa?

-       Kuantu di mi aktividatnan aktual ta bálido ainda pa mi manera optimal nobo di pensa?

Algun ehèmpel di akshon/paso optimal ta lo siguiente:

-       Pensa riba e ultimo biaha ku bo a sinti bo un víktima di un otro persona.

-       Kiko bo tabata ke di e persona, loke bo no por duna bo mes?

-       Saka un ponensia úniko optimal for di e lista aki bou ku ta korespondé na e krítika ku bo ta haña di otronan. Skirbi esaki riba un papel i us’é den situashonnan ku bo por antisipá krítika fuerte.

-       Skirbi awor pa bo mes kiko lo bo a hasi si bo no tabatin mièdu di krítika.

-       Para ketu i studia kua ta e mihó akshon pa surpasá bo miedu.

 

10. EHÈMPELNAN DI PONENSIANAN OPTIMAL

1. Loke mas mi ta apresiá di un amigo/partner ta___________________________
2. E mayor balor ku mi ta duna na mi karera profeshonal ta__________________
3. Loke mas mi ta apresiá den mi bida spiritual ta__________________________
4. Loke mas mi ta apresiá na mi kurpa ta__________________________________
5. Loke mas mi ta apresiá di mi memoria ta _______________________________
6. Loke mas mi ta apresiá di mi bida ta___________________________________
7. Loke mas mi ta apresiá ora mi ta den naturalesa ta_______________________
8. Loke mas mi ta apresiá di e lunanan di aña ta___________________________
9. Loke mas mi ta apresiá di mi kas ta____________________________________

 

11. ENKUESTA PA FIHA E GRADO DI BALOR PROPIO I PA FIHA BO METANAN

Kon por midi bo balor propio I bo metanan?

	0= nunka	1=kasi nunka	2=hopi bes	3=semper
1.mi tin konfiansa ku mi por gosa i disfruta mihó di bida
2. Mi ta sintimi kapas pa tuma akshonnan den bida
3. Mi ta aseptá tur parti di mi personalidat
4.Mi ta sintimi trankil ora mi ekspresá mi pensamentu, nesesidat, deseonan
5.Mi ta kere den mi mes
6.Mi ta aseptá mi propio kurpa kompletamente
7.Mi tin konfiansa den mi mes pa tuma desishonnan mas sabí posibel den mi bida
8.Mi ta usa mi donnan mas fuerte ora mi ta hasi algu
9.Mi ta konsiente di metanan ku mi ke alkansá den mi bida
10.Mi sa loke ta mas importante p’ami
11.Mi ta kompremeté mi mes pa biba ku un meta ku mi ke alkansá
12.Mi sa kua ta e mihó manera pa alkansá mi metanan ku ta  mas importante p’ami
13.Mi ta usa mi tempu disponibel optimal
14.Mi ta meresé di ta realmente felis
15.Mi ta pordoná mi mes si mi hasi un fayo
16.Mi ta hasi mihó uso di skèdjel diario di mi agenda
17. Mi desishonnan ta kore pareu ku mi balornan i prinsipionan mas haltu
18. Mi ta un persona ku ta kompartí sintimentunan di otro
19. Mi ta sintimi kómodo ora mi ta so, pero tambe ora mi ta den kompanía di otronan
20.Mi ta agradesido pa tur e kosnan bon den mi bida.
21. Mi por dil ku mi sintimentunan asina mi ripará ku mi tin sierto sintimentunan
22. Mi ta skucha konsientemente e mensahe ku mi sentimentunan di doló ta manda pa mi
23.Mi ta duna amor na otronan sin ferwagt di haña algu bèk
24. Mi ta konfia ku mi por komportá mi na e manera mas korekto
25.Mi por dil ku mi mes ora mi haña un gòlpi emoshonal
TOTAL di  tur e skornan_______	_____	_____	_____	______

12. LESAMENTU DI BO SKOR

Konta tur skor huntu pa bo haña sa bo skor final.

-       Un skor di entre 70-75 ta nifiká, ku ya bo ta aplikando bo pensamentu optimal konsientemente.

-       Un skor di entre 46-70 ta nifiká ku bo metanan i bo balor propio ta bon, pero ku ainda bo no a alkansá lo mihó pa bo den bida.

-       Un skor di entre 16-45 ta nifiká ku bo balor propio i bo metanan ta mediokre i ku bo ta duda ku bo ta dil na e mihó manera ku bo konosementu, abilidatnan i bo talentonan.

-       Un skor di entre 0-15 ta nifiká ku bo balor propio I bo metanan ta bou di nivel.

 

13. YUDA OPTIMALISÁ BO KOMUNIKASHON KU OTRONAN

Den un komunikashon optimal hende ta tene kuenta ku otronan su metanan i ta negoshá pa haña ganashi mutuo!

Un barera grandi pa komunikashon optimal ta falta di konsenshi di nos propio limitashonnan, sentimentunan, kreënsha i espektativanan.

Ta semper difísil pa komprondé un otro si bo mes no ta komprondé bo mes.

Aki ta sigui algun ehèmpel di opstákulo ku ta blòkia komunikashon optimal ku un otro persona.

-       Falta di vokabulario ta nifiká hopi bes ku bo tin problema pa komuniká den un lenguahe sano i komprendibel

-       Bareranan sikológiko ta pone ku bo no tin kontakto visual i ku no por skucha otro.

-       Interes egoïsmo ta pone ku bo no ta preokupá ku e otro, pero sí den bo mes  intenshonnan i propio ganashi

-       Trata di dominá e otro pa medio di krítika, menasa i prehuisio

Komunikashon optimal tin kontakto mutuo komo meta i ta trata di ta bo MIHÓ AMI. Un kontakto optimal ku un otro ta ofresé un ambiente di seguridat pa tur pensamentu i pa tur sentiment ku otro por kompartí ku bo. Ora ta trata di kontakto optimal ta tene kuenta ku sentimentunan, motibunan di un otro i ta sòru tambe pa un konekshon di probecho di tur dos banda.

Kuater pregunta optimal pa fomentá komunikashon optimal ta:

-       Ami ta dunando e otro persona atenshon kompletu?

Ku otro palabra, mi ta sòru pa un ambiente ku por distrahí òf ku ta yen di zonidu? Mi ta keda wak e persona yen di atenshon i mi ta sòru di tin kontakto di wowo?

-       Mi ta mustra e persona ku mi ta interesá?

Ku otro palabra mi ta hasi pregunta habrí i sinsero manera: Kon esaki a pasa?  Unda?  Pakiko?  Ki ora?  Mi ta sòru pa mi no interumpí e persona?

-       Mi ta buska komprenshon mutuo?

Ku otro palabra, mi ta sòru pa no husga e otro persona i mi ta hasi pregunta pa sigurá ku mi ta komprendé e otro bon i no interpretá loke e ta bisa malu?

-       Mi ta inspirá e otro na okashonnan i desishonnan optimal?

Ku otro palabra, mi ta hasi e mihó preguntanan pa mi haña kontestanan optimal? Mi ta skucha e mihó kontestanan?

Mas o menos 85% di nos komunikashon ta non-verbal i segun ekspertonan di komunikashon, komunikashon non-verbal ta e fuente mas konfiabel di komunikashon di e persona su emoshonnan. Mensahenan non-verbal ta eksponé sintimentunan profundo di hende.

14.SOLUSHONÁ KONFLIKTO DI MANERA OPTIMAL

Si bo rekonosé un konflikto i bo ke solushon’é di un manera optimal, anto e ora ei lo bo mester minimalisá e diferenshanan entre e personanan i optimalisá e komprenshon mutuo.

Ora ta solushoná konflikto mester tin disponibilidat pa solushoná serka esnan ku ta relashoná ku esaki. Lo bo por apliká e plan di shete paso ku ta sigui aki bou pa haña e mihó solushonnan pa e konflikto.

Paso 1.           Definí e konflikto manera kla.

-       TA UN KONFLIKTO EMOSHONAL ?

-       TA UN KONFLIKTO di nesesidatnan ku por ta distinto di otro?

-       TA UN KONFLIKTO DI BALOR?

Si ta un konflikto di emoshon manera rabia, miedu, deskonfiansa, ets, ta kasi imposibel pa usa un solushon rashonal mesora. Ora emoshonnan ta haltu  no kuminsá mesora ku SOLUSHON DJE PROBLEMA,pero usa e siguiente strategía:

-       Skucha aktivamente(parafrasá, hasi pregunta, usa empatía pa komprondé tantu loke e persona ta bisa i e kontenido di e problema;

-       Si ta un konflikto di nesesidatnan ku ta distinto usa un situashon di ‘WIN-WIN’ den kua tur dos personanan por sali ganá

-       Si ta un konflikto di BALORNAN ku ta distinto na otro, (por ehèmpel un otro religion i su balornan, polítika,’ issue’-nan ku ta di un índole sosial i otro pensamentunan fuerte tokante loke ta bon i malu, SKUCHA KONSTRUKTIVAMENTE E PUNTO DI BISTA DJE PERSONA, pero NO TRATA DI  KAMBIA E PERSONA PA BAI TUMA BO PUNTO DI BISTA.

Pues, no trata di persuasí e persona pa e kambia su pensamentunan.

Den tur tres kaso ta konta :

-        Analisá e kousa di e problema òf konflikto

-       Definí e meta pa e solushon

-       Tuma desishonnan riba tur informashon rondó di dje ku ta nesesario

-       Koöperá ku e partidonan pa krea opshonnan positivo

-       Evaluá e opshonnan den lus di informashon ku bo a kompilá

-       Negoshá ku e partidonan (tuma e mihó desishon ku por ofresé otro)

-       Skohe un fecha pa ‘follow-up’

 

15. TÈST BO MES PA FIHA KON OPTIMAL BO KOMUNIKASHON TA

	SEMPER   5	NORMAL MENTE 4	HOPI BES 3	ALGUN BES 2	RARA BES 1	NUNKA   0
Mi ta duna atenshon na e otro ora mi ta papia kuné
Mi ta mantené kontakto di wowo ku e otro ora mi ta papia kuné
Mi ta mustra empatia pa e otro
Mi ta enkurashá e otro pa e papia
Mi ta hasi preguntanan optimal pa yuda e otro tuma desishonnan optimal
Mi ta hasi loke mi por pa haña komprenshon kompletu di e nesesidatnan, deseonan, espektativanan dje otro
Mi ta pidi un aklarashon di tur kos ku mi no ta komprendé kompletamente
Mi ta ripití e preguntanan dje otro pa segurá ku mi a komprendé kompletamente
Mi ta eksperenshá interkambio plasentero ku otronan den mi bida personal
Mi ta eksperenshá enkuentronan plasentero ku famia I amigunan
Mi ta eksperenshá kada dia por lo menos un komunikashon ku ta satisfasé mi
Si mi komuniká ku un otro mi ta asept’é i mi no ta husg’é
Si mi komuniká ku otro mi ta analisá e komunikashon non-verbal i no ta husg’é
Mi ta dispuesto pa dil na un manera apropiá ku konflikto i ku diferensha
Mi ta saka lo mihó for di otronan ora mi komuniká ku nan

16.      EHERSISIONAN DEN SIÑA PENSA OPTIMALMENTE

1. 1. KIKO OPTIMAL TA NIFIKÁ PA MI?

2. Mi koló favorito ta_____________________________________________
3. Mi abilidat físiko mas atraktivo ta________________________________
4. Mi ta mustra mihó ora__________________________________________
5.  Mi artista favorito ta__________________________________________
6. E sonido den naturalesa ku mi ta apresiá mas ta____________________
7. E muzik favorito ta____________________________________________
8. E espektákulo mas grasioso ku mi a eksperenshá ta_________________
9. E kantante ku segun mi tin e bos mas plasentero ta_________________
10. E persona mas grasioso ku mi konosé ta___________________________
11.  E stul mas kómodo den mi kas ta________________________________
12.  Mi ta sintimi mihó ora_________________________________________
13.  E fakansi ku mi ta kòrda komo esun mas plasentero ta______________
14. Mi kuminda favorito ta_________________________________________
15. Si ta trata di amistat mi mihó kontribushon ta_____________________
16. Loke mi ta apresiá mas di mi amigo/amiga ta_____________________
17.  Mi por optimalisá mi relashon ku mi partner ora___________________
18.  Mi fantasia mas grandi ta______________________________________
19.  Mi por optimalisá mi entrada e aña aki si mi______________________
20.  E mihó manera pa optimalisá mi karera profeshonal e aña aki  ta____
21. E mihó opshon ku mi por tuma awe pa alkansá mi meta mas importante ta__________________________________________________________            MENSHONÁ 5 pregunta ku lo bo por kuminsá kada dia kuné

a._________________________________________________________________

b._________________________________________________________________

c._________________________________________________________________

d._________________________________________________________________

KON BO TA BALORÁ I BO TA SKOR BO MES?

-       BO PUNTONAN FUERTE TA_______________________________

-       BO MES?______________________________________________

-       BO PUNTONAN DÉBIL TA_________________________________

-        E PROSESO PA OPTIMALISÁ BO PUNTONAN MENOS FUERTE ta:

-       E PROSESO PA OPTIMALISÁ BO PUNTONAN FUERTE ta:

 

KON BO TA IDENTIFIKÁ BO METANAN DI BIDA?

Kiko mi ta preokupá mas pe?

Ken òf kiko mi ta stima mas?

Na kiko mi ta relashoná mi mes mas?

Kiko ta mi prinsipionan?

Ki ora mi ta funshoná mihó?

Kiko ta dunami e mihó sentimentunan di importansia den mi bida?

Kiko sigur lo mi ke?

Kiko ta loke mas mi ta anhelá?

Di kua aktividat mi ta gosa mas?

Kiko ta e tres kosnan den bida ku mi ta duna mas balor?

Kiko ta mi tres ambishonnan mas importante den bida?

Si mi tin un aña so mas di bida, kon lo mi pasa e aña ei?

Kon mi ke pa nan rekordámi?

Kon lo mi biba si mi tabatin tur plaka ku lo mi tabata ke?

Si bo ke tin e dia mas dushi, kon lo bo pas’é?

Kon bo mihó medio ambiente lo ta?

Riba kua meta lo mi konsentrá si mi ta sigur ku lo mi no faya tòg?

Kiko ta e loke ta mas dushi ku lo me ke alkansá?                                                       

 

KON BO TA IDENTIFIKÁ BO METANAN DI KARERA PROFESHONAL?

Kua ta mi partinan fuerte?

Kua ta mi talentonan?

Kiko ta hasimi felis, ta yenami di goso?

Kiko mi gusta hasi?

Den kiko mi ta mas interesá?

Kua ta e forma mas grandi den kua mi ta duna un kontribushon na otronan?

Kua ta e organisashon ku mi ke sirbi mihó?

Den kua organisashon mi ta pas mihó?

Kua ta mi metanan di mi karera profeshonal?

Kon mi por sigui krese den konosementu?

 

SIÑA HASI PREGUNTA OPTIMAL

PREGUNTANAN OPTIMAL'ken'

Ken ta esun mas importante den mi bida?

Ken mi ta konfia mas ku otro hende?

Ken ta e persona mas konfiabel den mi bida?

Ken mi ta atmirá mas?

Ku ken mi ta pasa mas agradabel?

Ken mi ta respetá mas?

Ken ta dunami e oportunidat mas grandi pa krese tantu personalmente komo den mi profeshonalidat?

 

PREGUNTANAN OPTIMAL ‘kiko’

Kiko ta mi fuente di inspirashon mas grandi?

Kiko ta sumamente importante p’ami?

Kiko ta sumamente importante pa e hendenan ku ta importante pa mi?

Kiko ta e bentahanan ku mi ta optené si mi tuma e mihó akshonnan pa alkansá e loke ta mas importante den mi bida?

Kiko ta e mas importante pa tur hende ku tin kompromiso?

 

PREGUNTANAN IMPORTANTE ‘kon’

Kon mi por saka lo máksimo for di e momento aki?

Kon mi por bai funshoná mihó?

Kon mi por saka lo mihó di mi bida?

Kon mi por sostené mihó e hendenan ku ta importante pa mi?

Kon mi por hiba un bida optimal?

Kon mi por usa pensa optimal frekuentemente?

 

PREGUNTANAN IMPORTANTE ‘ki ora’

Ki ora mi ta gradesidu?

Ki ora mi ta sintimi inspirá?

Ki ora mi ta alegre?

Ki ora mi ta funshoná optimal?

Ki ora mi ta stima un persona?

 

PREGUNTANAN OPTIMAL ‘Pakiko’

Pakiko ta mi bentaha di mas grandi pa aseptá e momento aktual?

Pa kiko ta den mi propio bentaha pa aseptá mi sintimentunan?

Pakiko ta den mi propio bentaha pa tene kuenta ku mi fayonan?

Pakiko ta den mi propio bentaha pa stima mi mes i ta stima bida?

Pakiko ta den mi propio bentaha pa ta mas felis?

Pakiko e momento aki ta e mihó momento?

 

HASI PREGUNTA OPTIMAL TOKANTE ' MI PROPIO AMI'

Mi ta meresé di haña lo mihó den mi bida?

Mi ta duna mi mes loke mi ke realmente i mi ta sinti ku mi meresé esei tambe?

Mi por kumpli ku mi nesesidatnan mas importante?

Mi ta usa pensamentu optimal konsistentemente pa saka lo mihó pa mi bida?

Kiko mi ta atmirá mas di mi mes?

Kiko ta mi abilidatnan balioso?

Kiko ta mi partinan mas fuerte?

Kiko ta mi kustumbernan mas produktivo?

Kiko mi ta atmirá mas di mi mes?

Pakiko mi ta agradesido den mi bida?

 

HASI PREGUNTA OPTIMAL ' NA E MOMENTO AKI'

Kiko ta pasando den mi awor aki?

Mi ta aseptá e realidat di e momento aki òf mi ta duna resistensia na dje?

Kon mi por saka lo maksimo for di e momentu aki?

Kon ta e uso mas inteligente di mi tempu?

Kiko ta e mihó akshon ku mi por tuma awor?

 

PREGUNTANAN OPTIMAL 'DURANTE E SIMAN AKI'

Kiko ta mi prioridatnan mas haltu e siman aki?

Kiko ta e mihó akshonnan ku mi por tuma pa realisá mi prioridatnan?

Kon mi por pasa kada dia di un forma mas plasentero?

Kiko ta e mihó kos ku mi por hasi pa ta mas felis?

Kon mi por funshoná mihó?

Kon mi por biba mas felis posibel?

Kon mi por motivá otronan pa nan funshoná mihó?

Kon mi por sigui krese den konosementu?

 

Curacao, December 2019

Pa kualke pregunta, sugerensha: ariandabloem@gmail.com